Laag

D Alp Oberfäld bräitet sich üs uf ämä liächt schtotzigä Port zwischet 1400 und 1800 Meter. Si isch z Füäss ab dr Bärgschtazion Schattdorf-Haldi z erräichä. Gaht mä de witer Richtig Hoch Fulä, chunnt mä zur Schtafelalp.

Bsunderhäit

Diä Alp isch friäner ä Häiwchüäwäid vu dr Korporazion gsi. Hit brüücht mä si als Häüpt- und Underschtafel. Vu det gaht äs üfä uf d Schtafelalp. Im Bärghäimet Oberfäld, aber äü uf em Schtafel cha mä eppis z ässä bschtellä und ubernachtä.

Chääs

Zwee Familenä produziäret uf dr Alp Oberfäld Bärgchääs, aber äü Ankä, Alpächritter-Eel und Jogurt sind im Verchäüf. Uf em heecher obä gläggnä Schtafel wird dr «Stafuchäs» produziärt.